Is yuh fault, is yuh fault, is yuh fault!

Is yuh fault, is yuh fault, is yuh fault!
November 26, 2014 at 5:46pm
Is yuh fault, is yuh fault, is yuh fault!

Hear me all politicians please
When we elect you to guvament house
We expec’ you fix every grouse

So when ah stump mih toe
Ah know mih girlfren’ givin’ blow
But is yuh fault, fuh sure I know
Tax pun condom way too low
Is yuh fault, is yuh fault, is yuh fault!

When ah throw de garbage down
An’ the whole place flood out
Is you fault yuh ent pick it up
Drain clog up and pump bruk down
When City Council say “tamperin’”
Yuh tun ‘round and watch Kwame
Is yuh fault, is yuh fault, is yuh fault!

When the Koker man sleep way
When seven inch rain fall in a day
Big Flood in mih rass, I gat to say
Is yuh fault ,is yuh fault ,is yuh fault!

Every time coke story buss
In Rum, fish and even kyatt
Is yuh fault, is yuh fault, is yuh fault

When the baby born in a black family
An’ the dadee hallah
“he look like a chatree!”
Is yuh fault, is yuh fault, is yuh fault!
Buck man mekkin’ hairy baby
He wife tell he is a “Local” ting
Pasad mek haste an’ resign
Is yuh fault, is yuh fault, is yuh fault!

Glen, Cowshit an’ Winseed hug up
Charges drop and tears dry up
Scandal start to dissipate
Frens we is till the end
No more talk of a second tape
Only Reaz lef like a sour grape
Is yuh fault, is yuh fault, is yuh fault!

When Green Shirt bodyguard shoot up the place
De man tun ‘round most bareface
"is the PPP send he
To infiltrate the congress Place”
No sense of shame or disgrace
Is PPP lock Vanessa out de gate!
Is yuh fault, is yuh fault, is yuh fault!

When Prak get trip and fall down
He look ‘round it was the Amalia Falls Chairman
Dem try to put the story in the closet
But Johnny jump out in a great escape
Pointing finger and callin’ name
Fus ting the speaker do
Is tun ‘round an’ put the blame on you
Is yuh fault, is yuh fault, is yuh fault!

GPLskunt is not one word
But try to tell some people dat
Is like talking to a wall
Doan worry dem doan pay light bill atall
Is yuh fault, is yuh fault, is yuh fault!


If I stand up for Guyana
Logic an’ common sense
Rueful and co. say I coming to your defense
Look how I get labeled a Robb Street stray
An ah ent get no damm Elite media pay
Is yuh fault, is yuh fault, is yuh fault!

I come out the hotel with a woman dat is not mih wife
She fren see and video me
Post pun facebook for all to see
Look at me mekkin’ nancy story
“she is an old friend of the family”
Guvament should ban smart phone
More dangerous than cutlass an’ gun
Mek me get lix like rass,
My domestic abuse mek the police laff
Is yuh fault, is yuh fault, is yuh fault!

When the Blue Chaps ent criticize
the guvament for provoking Parliament
dey get cuss an' 'buse by Johansen
but surely everbody know
dem is a new football team
Clinton in Miami shakin' han'
he ent got time for Guyana Disneyland
Is yuh Fault, is yuh fault, is yuh fault!

So when yuh tek a guvament wuk
Plenty money and plent prags
Big car and fancy house
Know that it comes with blame
You responsible fuh everything
Dat happen in the blessed homeland
If cat bugga hog an’ mek pickney
Is yuh fault, is yuh fault, is yuh fault!

When Dave Martins
Call an’ say
“Robin dis song sound similar to one I do”
I will say, “Dave my fen is true, but is politics
Mek I become a mimic man too”
The leaders in the land
Have clearly shown the way
Anchor Baby in Canada and USA
ten thousand because we cares
for those in public school
private school pickney
crapo some yuh pipe
is yuh fault, is yuh fault, is yuh fault!

I want to be a singing star
Lisa Punch mek some space
Robin Singh come to bruk up de place
Is yuh fault , is yuh fault, is yuh fault!

Sing with me, leh we blame the guvament
Guyana, Canada or USA
is yuh fault, is yuh fault, is yuh fault!

* No Goats were baa-lamed for anything in this song